မြန်မာပြည်တွင် ပထမဆုံး စက်ရုပ်နှင့်စက်များတီထွင်သူ ဆရာကြီးဦးကြည်၏ ကိုယ်ရေးအကျဉ်း နှင့်သူတီထွင်ခဲ့သောစက်များအကြောင်း

တီထွင်သူဆရာကြီးသည်ထူးခြားထက်မြတ်သည့်ပါရမီရှင်တစ်ဦးအဖြစ်တနင်္သာရီတိုင်းဒေသကြီးထားဝယ်မြို့တွင်မိုင်းကန်ထရိုက်တာအဖဦးဘလှိုင်အမိဒေါ်အမာတို့မှဒုတိယကမ္ဘာစစ်ကြီးမဖြစ်မှီ၁၉၃၄ခုနှစ်ဇွန်လ၁ရက်နေ့တွင်မွေးဖွားခဲ့ပါသည်။

မူလတန်း၊အလယ်တန်းနှင့်အထက်တန်းအဆင့်များကိုထားဝယ်မြို့အထက်တန်းကျောင်းတွင်ပြီးမြောက်ခဲ့ပြီး၁၉၅၄ခုနှစ်တွင်အင်းစိန်ဂျီတီအိုင်တွင်မြို့ပြအင်ဂျင်နီယာကိုတက်ရောက်သင်ကြားခဲ့ရာ၁၉၅၇ခုနှစ်တွင်သင်တန်းပြီးဆုံးအောင်မြင်ပြီးအင်းစိန်ဂျီတီအိုင်တွင်ပင်နည်းပြဆရာ(မြို့ပြ)အဖြစ်စတင်တာဝန်ထမ်းဆောင်ခဲ့ပါသည်။

၁၉၆၀ခုနှစ်တွင်နိုင်ငံခြားသို့ပညာသင်စေလွှတ်ခြင်းခံရရာအမေရိကန်နိုင်ငံDUNWOODY INSTITUTE MINNESOTA U.S.A မှ HIGHWAY SPECIAL COURSE ကိုအောင်မြင်ခဲ့ပါသည်။နိုင်ငံခြားပညာတော်သင်အဖြစ်အမေရိကန်နိုင်ငံတွင်ရောက်ရှိနေစဉ်အတွင်းမိမိဝါသနာပါသောစက်အမျိုးမျိုးအကြောင်းလေ့လာခြင်း၊စာအုပ်စာတမ်းများစုဆောင်းခြင်းတို့ကိုလုပ်ဆောင်နိုင်ခဲ့ပါသည်။

၁၉၆၁ခုနှစ်မြန်မာနိုင်ငံသို့ပြန်ရောက်ပြီးစက်မှုစိုက်ပျိုးနှင့်သက်မွေးပညာဦးစီးဌာန၊အင်းစိန်ဂျီတီအိုင်တွင်အမှုထမ်းနေစဉ်၁၉၆၃ခုနှစ်မှစကာတော်လှန်ရေးကောင်စီအစိုးရလက်ထက်အင်းဗွိုင်းခမ်းမတွင်ကျင်းပသောပညာရေးပြပွဲများ၌ဆရာတီထွင်ထားသောစက်များကိုပြသရာကျောင်းသားလူငယ်များအားကျနှစ်ခြိုက်သောပြကွက်များအဖြစ်လူသိများခဲ့ပါသည်။

ဆရာသည်၁၉၇၀ခုနှစ်မှ၁၉၇၇ခုနှစ်ထိကလောဂျီတီအိုင်တွင်လက်ထောက်ကထိကအဖြစ်လည်းကောင်း၊၁၉၇၇မှ၁၉၈၀ခုနှစ်ထိပြည်ဂျီတီအိုင်တွင်လက်ထောက်ကထိကအဖြစ်လည်းကောင်းတာဝန်ထမ်းဆောင်ခဲ့ပြီး၁၉၈၀မှ၁၉၉၄အသက်၆၀ပြည့်ပင်စင်ယူသည်အထိအောင်ဆန်းမြို့စက်ပစ္စည်းထိန်းသိမ်းရေးပညာသင်ကျောင်း(Repairs and Maintenaces)တွင်ကျောင်းအုပ်ကြီးအဖြစ်တာဝန်ထမ်းဆောင်ခဲ့ပါသည်။ဆရာအဖြစ်တာဝန်ထမ်းဆောင်ခဲ့စဉ်မိမိတာဝန်ယူသင်ကြားသောဘာသာရပ်ကိုစာတွေ့လက်တွေ့ပိုင်နိုင်ကျွမ်းကျင်ခြင်း၊ဟာသဥာဏ်ရှိခြင်းတို့ကြောင့်တပည့်များ၏ချစ်ခင်လေးစားမှုကိုရရှိခဲ့ပါသည်။

အောင်ဆန်းကျောင်းတွင်တာဝန်ထမ်းဆောင်နေစဉ်ဆေးသုတ်စက်ရုပ်ကိုတီထွင်ပြခဲ့ရာအဆင့်မြင့်နည်းပညာလေ့လာသူလူငယ်များအကြားရေပန်းစားခဲ့ရာနိုင်ငံတော်အစိုးရမှချီးမြှင့်သည့်အနေဖြင့်နိုင်ငံခြားသို့လေ့လာရေးခရီးစေလွှတ်ခြင်း၊နေထိုင်ရန်တိုက်ခန်းများချီးမြှင့်ခြင်းတို့ဖြင့်ဂုဏ်ပြုခြင်းခံခဲ့ရသူလည်းဖြစ်ပါသည်။

ယနေ့ခေတ်ပွင့်လင်းမြင်သာသောလူ့အဖွဲ့အစည်းနှင့်ခေတ်မှီပညာရေးစနစ်သို့ပြောင်းလဲနေချိန်တွင်တီထွင်သူဆရာကြီးအားမျိုးဆက်သစ်လူငယ်များဂုဏ်ယူအားကျစိတ်ဖြင့်အတုယူနိုင်စေရန်၊ဆရာကြီးအနေဖြင့်ယခင်နှစ်များအတွင်းသတင်းဂျာနယ်များအချို့တွင်ဖော်ပြခဲ့သောအချက်အလက်များထက်ပိုမိုပြည့်စုံစေလိုသောဆန္ဒရှိသဖြင့်သူတီထွင်ခဲ့သမျကိုအသိပေးလိုက်ရခြင်းဖြစ်ပါသည်။

ဆေးမှုတ်သည့်စက်ရုပ်

ကျိုက္ကဆံကွင်းပညာရေးဝန်ကြီးဌာနအနေဖြင့်ပြသခဲ့သောဆေးမှုတ်သည့်စက်ရုပ်(သင်္ဘောဆေးမှုတ်ခြင်း)သည်အလွန်လူကြိုက်များပြီးစက်ရုပ်၏လုပ်ဆောင်ချက်ကိုလည်းပြပွဲလာပရိတ်သတ်များသည်အလွန်တအံတသြဖြစ်ကြပါသည်။ထိုစက်ရုပ်သည်အမြင့်(၆ပေ)ခန့်ရှိပြီးပုံတွင်မြင်ရသည့်အတိုင်းလူတစ်ယောက်၏ပုံစံအတိုင်းတွေ့မြင်ရပါမည်။

ထိုစက်ရုပ်မှာလည်းသူ၏ဆေးမှုတ်လုပ်ငန်းမစခင်တွင်ဆိုဖာကုလားထိုင်ပေါ်၌သဘောင်္ဆေးမှုတ်သောကိရိယာ(Spray Gun)ကိုကိုင်၍ထိုင်နေသည်ကိုတွေ့ရပါသည်။ထိုသို့ထရပ်သောအခါအသံမှာတစ်ဝီ၀ီနှင့်(ရဲမော်တော်ယဉ်များမှအရေးပေါ်မြည်သောအသံမျိုး)နှင့်ထရပ်ပါသည်။ထိုအချိန်တွင်ပွဲကြည့်ပရိတ်သတ်များက၄င်းအသံကိုကြားပြီးထိုစက်ရုပ်ဘာလုပ်မည်ကိုပွဲကြည့်ပရိတ်သတ်များစိုက်ကြည့်နေပါသည်။ထိုအချိန်ညာဘက်လက်တွင်ကိုင်ထားသောSpray Gunကိုတစ်ဖြည်းဖြည်းအပေါ်သို့မြှောက်ပါသည်။၎င်း၏ညာဘက်ပုခုန်းနှင့်တစ်တန်းထဲရှိသောအခါ၎င်းအရှေ့ရှိ(၅)ပေခန့်အကွာတွင်ရှိသော(၃)ပေပတ်လည်သံပြားကိုသင်္ဘောဆေးစ၍မှုတ်ပါတော့သည်။ဆေးမှုတ်သည့်အခါတွင်လည်းလူတစ်ယောက်ဆေးမှုတ်သကဲ့သိှု့ Spray Gun၏မောင်းတံကိုလက်ညိုးဖြင့်ချိတ်ဆွဲကာသံပြားပေါ်သို့လက်ဝဲဘက်မှလက်ယာဘက်သို့သင်္ဘောဆေးမှုတ်သွားပါသည်။သူ၏ခေါင်းသည်လည်း Spray Gunသွားသည့်အတိုင်းလိုက်ကြည့်ပါသည်။တစ်ဖက်ထိပ်သို့ရောက်သောအခါဆေးမှုတ်ခြင်းကိုရပ်တန့်၍နဂိုနေရာသို့ပြန်လာပါသည်။ခေါင်းမှာလည်းပြန်လှည့်လာပါသည်။ဆိုလိုသည်မှာလူတစ်ယောက်ဆေးမှုတ်နေခြင်းအတိုင်းတစ်သွေမတိမ်းလုပ်ဆောင်နေခြင်းဖြစ်ပါသည်သူ၏လက်ထဲမှ Spray Gunကိုလည်းအောက်သို့၃လက်မခန့်နိမ်ချ၍ပထမနည်းအတိုင်းလက်ညိုးဖြင့်ချိတ်ဆွဲ၍ဒုတိယလိုင်းကိုမှုတ်သွားသည့်အခါ(တစ်ချို့လူများကဒီကောင်လက်ထဲကိုသေနတ်ထည့်ပေးလျင်လည်းပစ်မည့်ကောင်ဘဲပြောကြပါသည်)ထိုအတိုင်း(၁၀)ကြိမ်(၁၂)ကြိမ်ခန့်ဆေးမှုတ်သွား၍၌င်းသံပြားတစ်ချပ်လုံးဆေးမှုတ်ပြီးသားဖ်ြသွားပါသည်။နေက်ဆုံးလိုင်းကိုမှုတ်ပြီးသည်နှင့်သူ၏ဆေးမှုတ်လုပ်ငန်းပြီးသွားကြောင်းသိ၇ှိသည်နှင့်လက်မှာပုံမှန်နေရာသို့ပြန်လာပါသည်။

ထိုအချိန်တွင်ဆေးမှုတ်ထားသောသံပြားမှာလည်းပရိတ်သတ်များကြည့်နေသည့်ဘက်သို့အလိုအလျောက်လှည့်သွားပါသည်။ထိုသို့ဆေးမှုတ်ပြီးသောသံပြားအားပရိတ်သတ်ဘက်သို့လှည့်ပြသည့်အခါပရိတ်သတ်များကလက်ခုပ်သြဘာပေးကြပါသည်။ထိုသို့ကြည့်နေသောပွဲကြည့်ပရိတ်သတ်ထဲတွင်ဆေးမှုတ်လုပ်ငန်းလုပ်စားနေသောအိန္ဒိယလူမျိုး(၂)ဦး၊(၃)ဦးတို့ကဒီကောင်ဆေးမှုတ်တာ"တို့မှုတ်တာထက်"ညီတယ်ကွဟုပြော၍ရယ်ကြပါသည်။ထိုသံပြားပရိတ်သတ်ဘက်လှည့်ပြနေချိန်တွင်အဆိုပါစက်ရုပ်မှာသူ၏လုပ်ငန်းပြီးဆုံး၍အသံတ၀ီဝီမြည်ပြီးကုလားထိုင်ပေါ်သို့ထိုင်ချလိုက်ပါသည်။ကုလားထိုင်ပေါ်ထိုင်မိသည်နှင့်၎င်းကိုအလုပ်စေခိုင်းထားသောခလုပ်မှာအလိုအလျောက်(OFF)ဖြစ်သွားပါသည်။၎င်း၏လုပ်ငန်းပြီးဆုံးသွားပြီဖြစ်ပါသည်။ထိုသံပြားကို(G.T.I)ကျောင်းသားတစ်ယောက်မှဖြုတ်ယူသွားပြီးဆေးမမှုတ်ရသေးသောသံပြားတစ်ချပ်ကိုလာ၍ချိတ်ပေးသွားပါသည်။တနေကုန်ဆေးမှုတ်အကြိမ်ပေါင်းမှာ(၃၀)(၄၀)ခန့်ရှိ၍သံပြားမှာ(၁၀)ချပ်လောက်သာရှိပြီးဆေးမှုတ်ပြီးသောသံပြားကိုချက်ချင်းဆိုသလိုဓါတ်ဆီဖြင့်ဆေး၍အခြောက်ခံထားရပါသည်။သို့မှသာအကြိမ်(၃၀)(၄၀)မှုတ်ရန်သံပြားလုံလောက်မှုရှိခြင်းဖြစ်ပါသည်။ဒုတိယအကြိမ်ဆေးမှုတ်ရန်ထိုစက်ရုပ်ထရပ်သည့်အခါထိုသံပြားမှာစက်ရုပ်ဘက်သို့အလိုအလျောက်လှည့်ပေးပါသည်။ထိုလုပ်ငန်းစဉ်အတိုင်းမနက်(၈)နာရီမှညနေ(၅)နာရီအထိလူအများခလုပ်နှိပ်၍ခိုင်းသမျကိုထိုစက်ရုပ်မှတနေကုန်လုပ်ပြနေပါသည်။

၎င်းSpray
Gunတွင်ရှိသောအိုးထဲတွင်ဆေးကုန်သွားလျင်လည်းဖြည့်ပေးနေပါရပါသည်။ထိုစက်ရုပ်ဆေးမှုတ်လုပ်ငန်းကိုကြည့်ပြီး၍ပရိတ်သတ်တစ်အုပ်စုထွက်သွားလျင်လည်းနောက်တစ်အုပ်စုမှရှေ့သိုရောက်လာပီးစက်ခလုပ်နှိပ်ဆေးမှုတ်ခိုင်းပြန်ပါတော့သည်။ထိုနည်းအတိုင်းတစ်နေကုန်စက်ရုပ်မှာသူ၏အလုပ်ကိုလုပ်ပြနေရပါသည်။

တစ်ချို့ပွဲကြည့်ပရိတ်သတ်များကကျောင်းသားအားမေးခွန်းမေးကြပါသည်။ထိုSpray Gunမှုတ်သည့်အခါတွင်ထုံးစံအတိုင်းဆေးမှုတ်သည့်အခါတွင်ထုံးစ့အတိုင်းဆေးမှုန်းများလေဖြင့်ပျံလွင့်တတ်ပါသည်။ထိုအပြင်စက်ရုပ်ကိုအလုပ်လုပ်နိုင်ရန်အတွက်လျပ်စစ်သုံးရခြင်း၊မော်တာများသုံးရခြင်း၊လေမှုတ်စက်များသုံးရခြင်း၊စသည်ဖြင့်စက်များသုံးရခြင်းအတွက်စီးပွားရေးအရတွက်ခြေကိုက်ပါ့မလားမေးကြပါသည်။ထိုအခါGTIကျောင်းသားများကလည်းခပ်ရွှတ်နောက်နောက်ပြန်ဖြေတတ်ပါသည်။၎င်းတို့ဖြေပုံမှာထိုစက်ရုပ်သည်အလုပ်မခိုကပ်ခြင်း၊သင်္ဘေားဆေးမခိုခြင်း၊ခွင့်ရက်မယူခြင်း၊လက်ဖက်ရည်ဆိုင်မထိုင်ခြင်း၊အမိန့်နာခံခြင်း၊လစာမပေးရခြင်းစည်တို့ကိုပြောပြီးမေးသူနှင့်ဖြေသူတို့ရယ်ကြပါသည်။ထိုစက်ရုပ်အားမော်လမြိုင်မြို့မှအာဏာပိုင်များ၏တောင်းဆိုမေတ္တာရပ်ခံချက်အရမော်လမြိုင်မြို့မိုင်ဒါကွင်းတွင်(၇)ရက်(၇)လီသွားရောက်ပြသခဲ့ပါသည်။

၎င်းစက်ရုပ်အပါအ၀င်ဖော်ပြပါလက်ဖက်ရည်စက်နှင့်အခြားစက်များအားလုံး၏ကုန်ကျစရိတ်အားလုံးကိုထိုစဉ်ကစက်မှုစိုက်ပျိုးနှင့်အသက်မွေးပညာဦးစီးဌာနမှစိုက်ထုပ်အကုန်အကျခံပါသည်။၎င်းနှင့်တစ်စပ်တည်းပြောလိုသည်မှာဒုတိယစက်ရုပ်တစ်ရုပ်ဖြစ်သောလမ်းလျောက်သည့်စက်ရုပ်တစ်ရုပ်ကိုလည်းစတင်ပြုလုပ်ခဲ့၍လမ်းလျောက်သည့်အဆင်ထိရောက်ရှိနေပြီဖြစ်ပါသည်။သို့သော်ဒုတိယစက်ရုပ်ကိုပြပွဲတွင်မပြသလိုက်ရပါ၊အဘယ်ကြောင့်ဆိုသော်၁၉၈၈အရေးအခင်းပြီးသည်မှစ၍ပြပွဲများရပ်စဲသွားခြင်းကြောင့်ဖြစ်ပါသည်၊ယခုအခါဆေးမှုတ်စက်ရုပ်နှင့်လမ်းလျောက်စက်ရုပ်နှစ်ရုပ်စလုံးမှာအောင်ဆန်းမြို့အထွေထွေပြုပြင်ရေးလုပ်ငန်းပညာသင်ကျောင်း၏အခန်းတစ်ခန်းထဲတွင်စက်ရုပ်နှစ်ရုပ်စလုံးမှာယခုတိုင်ရပ်လျပ်သားရှိနေကြကြောင်းတွေ့ရပါလိမ့်မည်။ထိုစက်ရုပ်နှစ်ရုပ်ကိုသိမ်းထားသည်မှာအနှစ်(၂၀)ခန့်ရှိပါသည်။ဆရာကြီးဦးကြည်လည်း၎င်းကျောင်းမှကျောင်းအုပ်ကြီးရာထူးနှင့်အငြိမ်းစားပင်စင်ယူခဲ့ပါသည်။

လက်ဖက်ရည်စက်

ဆရာဦးကြည်အားဆရာတီထွင်သည့်လက်ဖက်ရည်စက်အကြောင်းပြောပြပါဟာပြောသောအခါအောက်ပါအတိုင်းပြောသောအခါအောက်ပါအတိုင်းပြောပြပါသည်။အမေရိကန်တွင်လက်ဖက်ရည်စက်ကိုအသုံးပြုစဉ်ကော်ဖီနှင့်လက်ဖက်ရည်ခုပ်နှစ်ခုပါ၍လက်ဖက်ရည်ခွက်ကိုစက်အောက်တွင်ထည့်ပြီးပိုက်ဆံအကြွေစေ့ကိုစက်ထဲသို့ထည့်ပြီးလက်ဖက်ရည်ခလုတ်ကိုနှိပ်လျင်အသင့်ချော်ပြီးလက်ဖက်ရည်ပန်းကန်တစ်လုံးစာကျလာပါသည်။ကော်ဖီသောက်ချင်လျင်လည်းထိုနည်းအတိုင်းပြုလုပ်ရပါသည်။

သို့သော်မြန်မာပြည်တွင်ဆရာပြုလုပ်သောစကမှာတစ်မူထူးခြားနေပါသည်။လက်ဖက်ရည်စက်အောက်တွင်လက်ဖက်ရည်ခွက်ကိုထည့်ပြီးလျင်ကော်ဖီနှင့်လက်ဖက်ရည်နှစ်ခုရှိရာတွင်လက်ဖက်ရည်သောက်လိုလျင်ကျပ်စေ့စက်ထဲသို့ထည့်ပြီးလက်ဖက်ရည်ခလုတ်နှိပ်ပါကပထမဆုံးလက်ဖက်ရည်ခွက်ထဲသို့သကြားကျလာပါသည်။ပြီးလျင်နို့ဆီကျလာပါသည်။ပြီးလျင်လက်ဖက်ခြောက်အရည်ကျလာပါသည်။ထိုအချိန်လက်ဖက်ရည်တစ်ခွက်ပြည့်နေပြီးဖြစ်ပြီး။ပြီးလျင်လက်ဖက်ခြောက်အရည်ကျလာပါသည်။ထိုအချိန်လက်ဖက်ရည်တစ်ခွက်ပြည့်နေပြီးဖြစ်ပြီးလက်ဖက်ရည်ဖျော်သောခလက်ပါသည့်ဂေါက်ကလက်ဖက်ရည်ပန်းကန်ထဲဆင်း၍မွှေပေးပါသည်။အချိန်တစ်မိနစ်ခန့်ကြာသောအခါလက်ဖက်ရည်ဆိုင်တွင်ဇွန်းနှင့်ဖျော်သည့်အတိုင်းလက်ဖက်ရည်တစ်ခွက်ဖြစ်လာပါသည်။ထိုအချိန်တွင်လက်ဖက်ဝယ်သူအားစက်မှ(၂၅)ပြားစေ့(၁)စေ့ပြန်အမ်းပါသည်။၎င်း(၂၅)ပြားစေ့မှာလက်ဖက်ရည်ခွက်ဘေးတွင်ရှိသောခွက်ထဲသို့ကလာပါသည်။လက်ဖက်ရည်ဆိုင်တွင်လည်းလက်ဖက်ရည်တစ်ခွက်(၇၅)ပြားနှင့်ရောင်းနေကြသည်။

အကယ်၍နောက်တစ်ဦးကကော်ဖီသောက်လိုလျင်ကော်ဖီပန်းကန်ကိုစက်အောက်ထည့်ပါကျပ်စေ့ကိုစက်ထဲထည့်ပြီးကော်ဖီခလုပ်ကိုနှိပ်ပါထိုအခါသကြား၊နို့ဆီ၊ကော်ဖီရည်များသီးခြားစီကျလာပြီးဖျော်ဂေါက်မှထုံးစံအတိုင်းဖျော်ပေးပါလိမ့်မည်။စက်မှကော်ဖီဖြစ်၍ပြား(၂၀)အမ်းပါလိမ့်မည်။အမ်းထားသောပြား(၂၀)နှင့်ကော်ဖီခွက်ကိုယူသွားပြီးသောက်နိုင်ပါသည်။လက်ဖက်ရည်သောက်လျင်(၂၅)ပြားအမ်းပြီးကော်ဖီသောက်လျင်ပြား(၂၀)အမ်းမည်ဖြစ်ပါသည်။ဆိုလိုသည်မှာလက်ဖက်ရည်တစ်ခွက်(၇၅)ပြားကော်ဖီတစ်ခွက်ပြား(၈၀)နှင့်ရောင်းခြင်းဖြစ်ပါသည်။

ထိုကိစ္စတွင်ဆရာဦးကြည်မှအံသြစရာတစ်ခုပြောပြသည်မှာသကြား၊နို့ဆီ၊အကျရည်များသီးခြားစွာကျလာပြီးဖျော်ပေးသည်ကိုပြပွဲလာသူများသဘောကျမည်ဟုထင်သော်လည်း၎င်းစက်မှလက်ဖက်ရည်ကို(၂၅)ပြားအမ်း၍ကော်ဖီကိုပြား(၂၀)မတူအောင်အမ်းနိုင်သည်ကိုအထူးအံသြကြပါသည်။

လက်ဖက်ရည်နှင့်ကော်ဖီစက်များမှစက်ထဲတွင်Heaterများထည့်ထား၍ပူပူနွေးနွေးသောက်ရပါသည်။

မြေပဲစက်

ဆရာဦးကြည်သည်၎င်းပြုလုပ်ပြသောမြေပဲစက်ကိုအမေရိကန်နိုင်ငံတွင်သူကိုယ်တိုင်ပညာသင်ယူခဲ့သော Dum Woody Industrial Institute ၏ Canteenတွင်ထားရှိသော၎င်းမြေပဲစက်ကိုအသုံးပြုခဲ့ဘူးပါသည်။

ဆရာမြန်မာပြည်သို့ရောက်သောအခါစက်များတီထွင်ရာတွင်၎င်းမြေပဲစက်ကိုလည်းပြုလုပ်ပြသခဲ့ပါသည်။အမှန်အားဖြင့်၎င်းစက်၏ရည်ရွယ်ချက်မှာကျောင်းသားများတစ်နေ့သာသုံးစွဲသောငွေများမှပြန်အမ်းသည့်အကြွေးများကိုအပျော်သဘောနှင့်ပြန်သုံးခြင်းဖြစ်ပါသည်။ဥပမာအားဖြင့်အကြွေ(၁၀)ပြားစေ့ကိုထည့်ပြီးမြေပဲစက်တွင်ပါသောလက်လှည့်"ဘု"ကိုအကြိမ်ကြိမ်လှည့်ပါကမြေပဲလက်တစ်ဆုပ်စာကျလာပြီးအကြွေစေ့မှာလည်းစက်ထဲသို့ကျသွားပါသည်။၎င်းစက်ကိုမြန်မာပြည်တွင်ပြုလုပ်၍Invoyခန်းမတွင်ပြသခဲ့ပါသည်။ထိုအချိန်ကမြန်မာနိုင်ငံတွင်အကြွေစေ့များသုံးနေသောကြောင့်မြေပဲစက်ကိုသုံးနိုင်ခြင်းဖြစ်ပါသည်။

(၁၀)ပြားစေ့တစ်ကို၎င်းစက်တွင်ပါသောSlotထဲထည့်ပြီးလျင်"ဘု"ကိုအကြိမ်ကြိမ်လှည့်ရပါသည်။(၆)ပတ်(၇)ပတ်ခန့်လှည့်လျင်မြေပဲများလက်တစ်ဆုပ်စာကျလာပါသည်။ပြပွဲလာကျောင်းသားများသည်တန်းစီ၍၄င်းမြေပဲစက်မှမြေပဲကိုလက်နှင့်ခံ၍အပျော်စားကြပြီးအလွန်ပျော်နေကြပါသည်။

၎င်းစက်တွင်မြေပဲများကိုဖန်ပုလင်းထဲတွင်ထည့်ပြီးမှောက်ထားသောကြောင့်မြေပဲများကိုတွေ့ရပါသည်။၎င်းစက်ထဲကို(၁၀)ပြားစေ့ကိုထည့်ပြီးလက်လှည့်"ဘု"ကိုမလှည့်ခင်ဖန်ပုလင်းအားလက်ဝါးနှစ်ဖက်ဖြင့်ပုတ်ပြီး"ဘု"ကိုလှည့်လျင်မြေပဲစေ့ယခင်ထက်နည်းနည်းပိုကျခြင်းကိုကျောင်းသားများသဘောကျ၍အပျော်သဘောနှင့်ထုကြပါသည်။ထိုကိစ္စအားမြေပဲစက်ကိုတာဝန်ယူပြသနေသောG.T.Iကျောင်းသားများကဆရာဦးကြည်အားလာတိုင်ကြပြီးဖန်ပုလင်းကိုမထုရဟုစာတန်းဆွဲမည်ဟုပြောသောအခါဆရာဦးကြည်မှထိုစာတမ်းမဆွဲပါနှင့်ဟုပြောပြီးG.T.Iကျောင်းသားများကဘာဖြစ်လို့လည်းဆရာဟုပြန်မေးပါသည်။ထိုအခါဆရာဦးကြည်မှအမေရိကန်နိုင်ငံတွင်ကျောင်းသားဘ၀ကဖန်ပုလင်းကိုသူတို့လိုဘဲငါလည်းထုခဲ့သည်ဟုပြောသောအခါကျောင်းသားများက၀ိုင်းရယ်ကြပြီးထွက်သွားကြပါသည်။

ပြပွဲလာကြသောကျောင်းသားများမှာ၎င်းစက်ကိုအလွန်သဘောကျပြီးမနက်ပြပွဲပြသည့်အချိန်မှညနေအထိတန်းစီ၍၄င်းစက်ကိုသုံးကြပါသည်။

စီးကရက်စက်

အမေရိကန်နိုင်ငံတွင်စီးကရက်စက်များမှဘူးလိုက်ရောင်းသောစက်များဖြစ်ပါသည်။သို့သော်မြန်မာပြည်တွင်မူလူကြီးများမှသာဘူးလိုက်သောက်၍ကျောင်းသားများမှာ(၁)လိပ်ချင်းဝယ်သောက်ကြပါသည်။G.T.Iကျောင်းသားများမှ၎င်းစက်ကိုအသုံးပြု၍စီးကရက်(၁)လိပ်ချင်းဝယ်သောက်ကြပါသည်။စီးကရက်စက်ထဲသို့ငါးပြားစေ့(၁)စေ့ထည့်ပြီးLeverတံကိုလက်ဖြင့်ဆွဲလိုက်လျင်ခပေါင်းစီးကရက်တစ်လိပ်ကျလာပါသည်။အကယ်၍ဆယ်ပြားစေ့(၁)စေ့ထည်၍ဆွဲပါလျင်စီးကရက်တစ်လိပ်နှင့်အကြွေငါးဆယ်ပြားစေ့ပြန်အမ်းပါသည်။၎င်းစီးကရက်စက်အားအင်းစိန်(G.T.I)Canteenတွင်နှစ်နှင့်ချီ၍အသုံးပြုခဲ့ကြောင်းဆရာဦးကြည်မှပြောပြပါသည်။

Driving Car

Driving Carကိုလည်းဆရာဦးကြည်မှတီထွင်၍ပြပွဲတွင်ပြသခဲ့ပါသည်။(၉)လက်မအရွယ်ရှိပလက်စတစ်ကားအား(၃)ပေခန့်မြင့်သောစင်ပေါ်တွင်Spongeဖြင့်ပြုလုပ်ထားသောသစ်ပင်ပုံစံငယ်များ၊အိမ်ငယ်များ၊သံချောင်းများစိုက်၍ဓါတ်တိုင်ပုံသဏ္ဍာန်များနျင့်အခြားသဘာဝပစည်းလမ်းဘေးတွင်ရပ်ထားပါသည်။လမ်းကိုလည်းအကွေ့အကောက်များဖြင့်ပြုလုပ်ထားသောလမ်းတွင်မောင်းရပါသည်။

ပြပွဲလာသူများက Driving Car အားတကယ့်မော်တော်ကား၏လက်ကိုင်စတီယာတိုင်ကိုကိုင်ပြီးခုံမှာထိုင်၍တကယ်မော်တော်ကားမောင်းသလိုမောင်းရပါသည်။၎င်းမော်တော်ကားအားကျောင်းသားများအဆင်ပြေ၍ဈေးနှုန်းသက်သာစွာမောင်းနှင်နိုင်ရန်အတွက်တစ်ကြိမ်မောင်းလျင်အကြွေစေ့(၂၅)ပြားသတ်မှတ်ထားပါသည်။၎င်း(၂၅)ပြားစေ့အားစတီယာတိုင်နားရှိSlotထဲသို့ထည့်ပြီးမောင်းရပါသည်။

ထိုပလပ်စတစ်ကားလေးအားစတီယာတိုင်ကိုညာဘက်လှည့်လျင်ညာဘက်ချိုး၍စတီယာတိုင်ကိုဘယ်ဘက်လှည့်လျင်ဘယ်ဘက်ချိုးသွားပြီးလမ်းဘေးတစ်ဖက်တစ်ချက်ရှိသောအရာများကိုမတိုက်မိအောင်လမ်းဆုံးထိမောင်နှင်ရပါသည်။မောင်းနှင်နိုင်သောကလေးအားသကြားလုံးတစ်လုံးဆုချသည်ဟုပြောပါသည်။မော်တော်ပီကယ်အရာရှိများကိုယ်တိုင်လာရောက်မောင်းပါသည်။လမ်းဆုံးထိမမောင်းနိုင်ပါ။သို့သော်ထူးထူးခြားခြားကျောင်းသားတစ်ဦးနှစ်ဦးမှာဆုရထားသောသကြားလုံးများအိတ်ထဲပြည့်နေသည်ဟုပြောပါသည်။အဘယ်ကြောင့်ဆိုသော်ထိုကလေးမှာတနေကုန်တန်းစီ၍မောင်းနေသောကြောင့်ကျွမ်းကျင်စွာမောင်းနိုင်ခြင်းဖြစ်ပါသည်။ထိုသို့ကားလေးမောင်းခြင်းကိုပြပွဲလာကလေးများမှမနက်(၈)နာရီမှညနေ(၅)နာရီထိတန်းစီ၍စောင့်ဆိုင်းပြီးပြခန်းပိတ်သည်အထိနေစဉ်ရက်ဆက်မောင်းကြပါသည်။

ဘီစကစ်မုန့်(Biscuit) ရွေးချယ်စက်

ဘီစကစ်မုန့်ကို(Biscuit)စီးပွားဖြစ်လုပ်သောလုပ်ငန်းတစ်ခုတွင်ဘီစကစ်များကိုOvenလျပ်စစ်မီးဖိုကြီးထဲတွင်ဘီစကစ်မုန့်ကိုဖုတ်ကြပါသည်။ထိုသို့ဖုတ်၍ကျက်သွားသောဘီစကစ်မုန့်များသည်OvenထဲမှConveyorဖြင့်တန်းစီ၍ထွက်လာကြပါသည်။ထိုထွက်လာသောဘီစကစ်မုန့်များထဲတွင်ကျိုးပဲ့နေသောဘီစကစ်များအကျက်လွန်၍တူးနေသောဘီစကစ်များ၎င်းတန်းစီ၍ထွက်လာသောဘီစကစ်ထဲတွင်ပါလာတက်ပါသည်။ထိုအကျိုးအပဲ့နှင့်တူးနေသောဘီစကစ်များကိုရွေးချယ်ဖယ်ထုတ်သောစက်လက်(Robot Arm)တစ်ခုကိုဆရာဦးကြည်မှပြပွဲတွင်ပြရန်တီထွင်လိုက်ပါသည်။၎င်း(Robot Arm)မှလက်ဝါးတစ်ခုပါ၍လူကဲ့သို့ပင်လက်ချောင်းငါးချောင်းပါဝင်ပါသည်။ထွက်လာသောဘီစကစ်များထဲမှအကျက်လွန်၍တူးနေသောဘီစကစ်များကို၎င်း(Robot Arm)၏လက်ဝါးအောက်မှဖြတ်သွားလျင်၎င်းလက်(၅)ချောင်းကဘီစကစ်ကိုကောက်၍(လူတစ်ဦး၏လက်နှင့်ကောက်သကဲ့သို့)ဘေးတွင်ရှိသောခွက်ကြီးထဲသို့ထည့်လိုက်ပါသည်။၎င်းလက်ဝါးအောက်မှကောင်းသောဘီစကစ်များဖြတ်သွားလျင်၎င်းလက်ဝါးမှမည်သို့မျလှုပ်ရှားမှုကိုမပြပါ။တူးနေသောဘီစကစ်ဖြတ်သွားလျင်ချက်ချင်းကောက်၍ဖယ်ရှားပါသည်။

*မှတ်ချက်*            တစ်ကယ့်ပြပွဲတွက်ပြလျင်Ovenများပြုလုပ်၍တကယ်တန်းဘီစကစ်ဖုတ်၍ပြသနိုင်မည်မဟုတ်သဖြင့်Chamberခေါ်အခန်းငယ်လေးတစ်ခုပြုလုပ်ပြီးအဖြေူရောင်Conveyorတစ်ခုပြုလုပ်၍၄င်းအခန်းနှင့်တွဲထားပါသည်။၎င်းအဖြူရောင်ConveyorမှာEndlessလှည့်ပတ်နေပြီးChamberထဲမှာဘီစကစ်များကိုလူတစ်ယောက်မှတန်းစီ၍ထည့်ပေးလိုက်ပါသည်။ထိုအခါဘီစကစ်များသည်Conveyorအတိုင်းထွက်လာပါသည်။ထိုသို့ထွက်လာသောဘီစကစ်များကိုRobot Armမှရွေးချယ်ခြင်းဖြစ်ပါသည်။၎င်းဘီစကစ်များမှာဈေဒကွက်မှဝယ်၍Conveyor Belt ထဲသို့ထည့်ပေးရခြင်းဖြစ်သောကြောင့်တူးမဲနေသောဘီစကစ်များမပါဝင်ပါ၊ထိုကြောင့်တစ်ချို့ဘီစကစ်များ၏မျက်နှာပြင်တွင်မှင်အနက်သုတ်ထားရပါသည်။ထိုRobot Armမှာထွက်လာသောဘီစကစ်များထဲတွင်မှင်အနက်သုတ်ထားသောဘီစကစ်ကိုတွေ့သည်နှင့်ကောက်ယူဖယ်ရှားလိုက်ပါသည်။ထိုအတိုင်းပြပွဲတွင်ပြရန်အတွက်ဆရာဦးကြည်မှတီထွင်တည်ဆောက်ထားခြင်းဖြစ်ပါသည်။


အထက်တွင်ဖော်ပြခဲ့သောဆေးမှုတ်စက်ရုပ်နှင့်လက်ဖက်ရည်စက်အပါအ၀င်စက်များကိုတီထွင်ပြသခဲ့ပြီးနောက်နိုင်ငံတော်မှဆရာဦးကြည်အားအသိအမှတ်ပြုခြင်းအားဖြင့်ပညာရေးဝန်ကြီးဌာနဝေဠုဝန်အိမ်ယာစခန်းတွင်တိုက်ခန်းတစ်ခန်းချပေးခဲ့ပါသည်။ထိုအချိန်ကပညာရေးဝန်ကြီးမှာဦးကျော်ငြိမ်းဖြစ်၍ဒုတိယ၀န်ကြီးမှာဒေါက်တာမောင်ဒီဖြစ်ပါသည်။ဝန်ကြီးကိုယ်စားဒေါက်တာမောင်ဒီမှအခန်းတစ်ခန်းချပေးခြင်းဖြစ်ပြီးဆိုဗီယက်နိုင်ငံသို့လည်းစက်မှုချစ်ကြည်ရေးခရီးပို့လွှတ်ခဲ့ပါသည်။


ထိုသို့နိုင်ငံတော်မှချီးမြှောက်သည့်ကိစ္စနှင့်ပက်သက်၍ဆရာဦးကြည်မှနိုင်ငံတော်နှင့်တကွပညာရေးဝန်ကြီး၊ဒုတိယ၀န်ကြီးအပါအ၀င်စက်မှုစိုက်ပျိုးသက်မွေးပညာဦးစီးဌာနမှဆရာဦးကြည်၏တီထွင်မှုအပေါ်အားပေးပံပိုးပေးကြသောညွန်ကြားရေးမှုးချုပ်ဒေါက်တာခင်မောင်ဝင်းနှင့်ဒါရိုက်တာများအားလုံးအားအထူးကျေးဇူးတင်ရှိကြောင်းပြောပါသည်။


ဆရာဦးကြည်မိသားစုတွိင်သားသမီး(၂)ဦးထွန်းကား၍(၂)ဦးစလုံးမှာဆရာဝန်များဖြစ်ကြပြီးအိမ်ထောင်ခွဲများဖြစ်ကြပါသည်။ယခုအခါဆရာဦးကြည်နှင့်ဆရာကတော်တို့မှာ(၁၂၆)လမ်းတိုက်အမှတ်(၇)၊(၃-လွှာ)မင်္ဂလာတောင်ညွန့်တွင်အေးဆေးစွာနေထိုင်လျက်ရှိပါကြောင်းဖော်ပြလိုက်ပါသည်။


ယခုမျက်မှောက်ခေတ်Facebookပေါ်တွင်ဆရာဦးကြည်အကြောင်းများအားသူ့၏တပည့်များရေးသားသည်ကိုတွေမိကြောင်းထိုအကြောင်းအရာများသည်မပြည့်စုံခြင်းတစ်ချို့မှာကွဲလွဲခြင်းများဖြစ်နေသည်ကိုတွေ့ရှိတယ်လို့ဆိုပါသည်။ဆရာဦးကြည်၏တူဖြစ်သူကျနော်မှကျနော်ဘကြီးဆရာဦးကြည်အားထိုFacebookပေါ်မှရေးသားသောအကြောင်းအရာများကိုပြောပြသောအခါဝယ်ကျနော့်ဘကြီးမှသူ့အကြောင်းပြည့်စုံစွာဖော်ပြပေးရန်ပြောသောကြောင့်ယခုလိုပြည့်ပြည့်စုံစုံတင်ပြပေးလိုက်ပါသည်။

Brave Hero(ပဲခူး)